Transkaspıı dálizimen júk tasymaldaý kólemi artyp keledi
«Ótken jyly Ázerbaıjan, Qazaqstan jáne Túrkııanyń Syrtqy ister, Kólik mınıstrleri Baký men Aqtaý qalalarynda eki ret kezdesý ótkizdi. Osy kezdesýlerdiń qorytyndysynda qabyldanǵan jol kartasy orta dálizdiń («Shyǵys-Batys» transkaspıı halyqaralyq orta dálizi) damýyna tyń serpin berdi. Qazirdiń ózinde atalǵan baǵytta aıtarlyqtaı ósim baıqalady. Ol aldaǵy bolashaqta da ulǵaıa túseri sózsiz», - dedi Ázerbaıjan Elshisi elordada ótken «Túrki álemindegi ekonomıkalyq baılanys jáne ıntegratsııa» taqyrybyndaǵy sarapshylar otyrysynda.
Onyń atap ótýinshe, tranzıttik dálizdi damytý maqsatynda Baký halyqaralyq áýejaıynyń ótkizý qabileti jylyna 15 mln tonnadan 25 mln tonnaǵa deıin artty. Al Baký-Tbılısı-Karsk temirjolynyń ótkizý múmkinshiligi 1 mln tonnadan 5 mln tonnaǵa deıin ulǵaıtyldy.
