Transkaspıı baǵyty boıynsha jylyna 4 mln tonna Qazaqstan júgi tasymaldanady

BAKÝ. QazAqparat – «Qazaqstan temir joly» ulttyq kompanııasy men Baký teńiz porty yntymaqtastyq týraly memorandýmǵa qol qoıdy, dep habarlaıdy QazAqparat «Qazaqstan temir joly» UK baspasóz qyzmetine silteme jasap.

2022 jyldyń 7 aıynda júk tasymaldaý kólemi ótken jyldyń sáıkes kezeńimen salystyrǵanda 171%-ǵa artyp, 845,2 myń tonnany qurady. Konteınerlermen júk tasymaldaý kólemi 33%-ǵa ulǵaıyp, 17,6 myń JFE qurady.

QTJ derekteri boıynsha tek qazaqstandyq júkterdiń ranskaspıı halyqaralyq kólik baǵdary boıynsha tasymaldaý áleýeti jylyna 4 mln tonnadan astamǵa baǵalanyp otyr. Halyqaralyq jetkizilim tizbeginiń ózgerýi jaǵdaıynda Soltústik Qytaı - Eýropa baǵytynyń logıstıkalyq operatorlary da óz kólemderin osy baǵytqa aýystyra alady.

Memorandým eki eldiń tranzıttik áleýetin arttyrýǵa múmkindik beretin Transkaspıı halyqaralyq kólik baǵdaryn odan ári damytýǵa baǵyttalǵan.

«QTJ» UK» AQ keńeıýdiń 2-shi kezeńi sheńberinde termınaldyq qýattardy, sondaı-aq Alıat portynyń qoldanystaǵy ınfraqurylymyn damytýǵa qatysý týraly ýaǵdalastyqqa qol jetkizdi. Qol qoıylǵan qujat portty birlesip damytý úshin Qazaqstan tarapyna jer ýchaskesin jáne qoldanystaǵy aılaqtardy bólý múmkindigin kózdeıdi.