Transkaspıı baǵyty boıynsha júk tasymaldaý kólemi 2,5 ese ósti

ALMATY. QazAqparat – Transkaspıı baǵyty boıynsha júk tasymaldaý kólemi 2,5 ese ósip, 1,5 mln tonnaǵa jetti. Bul týraly «Transkaspıı halyqaralyq kólik baǵdary» Halyqaralyq qaýymdastyǵy Jalpy jınalysynyń otyrysynda aıtyldy, dep habarlaıdy QazAqparat «Qazaqstan temir joly» UK» AQ baspasóz qyzmetine silteme jasap.

Baǵdar qatysýshylary Qaýymdastyqtyń 2022 jylǵy qyzmetin qorytyndylady. Atalyp ótkendeı, THKB boıynsha tasymaldaýdyń oń qarqyny jáne onyń qazirgi geosaıası jaǵdaıdaǵy róliniń artqan.

2022 jyly júk tasymaldaý kólemi 2,5 esege ósip, 1,5 mln tonnaǵa jetti. Bul rette qazaqstandyq júkter eksporty 2021 jylmen salystyrǵanda 6,5 esege ulǵaıyp, 891 myń tonna boldy. Sonymen qatar, konteınerlerde 33,6 myń JFE tasymaldandy, bul – ótken jyldyń sáıkes kezeńimen salystyrǵanda 33%-ke artyq.

Otyrys barysynda THKB-ǵa júkterdi tartý jáne konteınerlik tasymaldardy damytý boıynsha jumystyń tıimdiligin arttyrý máseleleri talqylandy.

2023 jylǵa arnalǵan baǵdar boıynsha júkterdi tasymaldaý kólemin ulǵaıtý, turaqty túrde shattl-poıyzben bekitilgen keste boıynsha júrý jáne biryńǵaı tranzıttik ónimdi qurý máseleleri boıynsha ýaǵdalastyqtarǵa qol jetkizildi.

Kezdesý qorytyndysy boıynsha tıisti hattamalarǵa qol qoıyldy.