Transkaspıı baǵytynda konteınerlik tasymal kólemi jylyna 300 myń JFE-ge jetkiziledi
ASTANA. KAZINFORM – Transkaspıı baǵytynda konteınerlik tasymal kólemi jylyna 300 myń jıyrma fýttyq ekvıvalentke jetkiziledi. Bul týraly Temirjoldar yntymaqtastyǵy uıymy konferentsııasynyń 40-otyrysynda Premer-mınıstr Oljas Bektenov aıtty.
- Transkaspıı baǵyty – bizdiń teńdessiz basymdyǵymyz. Memleket basshysy bul jobaǵa aıryqsha mán beredi. Atalǵan baǵyttyń temirjol ınfraqurylymyn ǵana emes, sonymen qatar teńiz ınfraqurylymyn da qamtıtynyn aıta ketken jón. Konteınerlik tasymaldar turaqty damyp keledi. Tek osy baǵyt boıynsha 2029 jylǵa deıin jylyna 80 myń jıyrma fýttyq ekvıvalentten 300 myńǵa deıin ósýdi josparlap otyrmyz. Qatysýshy elderdiń úılesimdi jumysynyń arqasynda «Orta dáliz» boıynsha jetkizý merzimi 18 táýlikke deıin qysqardy. Biz ony 10 kúnge deıin azaıtýdy kózdep otyrmyz, - dedi Oljas Bektenov.
Úkimet basshysy osy saladaǵy halyqaralyq kompanııalardy tarta otyryp, Aqtaý jáne Quryq porttarynda konteınerlik habtardy keńeıtý jumystary júrgizilip jatqanyn atap ótti.
- «Soltústik – Ońtústik» dálizi dep atalatyn Shyǵys tarmaǵyn damytyp jatyrmyz. Bul – parsy shyǵanaǵy men Úndistan naryqtaryna shyǵatyn eń tóte jol, - dedi Premer-mınıstr.
Aıta keteıik, elimiz 2023 jylǵa qaraı tranzt kólemin jylyna 100 mln tonnaǵa jetkizýdi josparlap otyr.
