Transkaspıı baǵyty boıynsha konteınerlik júkterdi Eýropadan Qazaqstanǵa keri júkteý máselesi pysyqtaldy
ASTANA. KAZINFORM - Kólik mınıstri Marat Qarabaev Ońtústik Koreıanyń LX Pantos Co Ltd., kólik-logıstıkalyq kompanııasynyń basshysy Lı Alı Ho-men kezdesti.
LX Pantos Co., Ltd. – LG Group iri konglomeratynyń quramyna kiretin Ońtústik Koreıanyń jetekshi kólik-logıstıkalyq kompanııasy. 1977 jyly qurylǵan «LX Pantos» logıstıkalyq qyzmetterdiń keń spektrin usynady. Sonyń ishinde teńiz, áýe jáne temirjol kóligi, qoıma, taratý jáne sandyq logıstıkalyq sheshimder. Búgingi tańda kompanııa Koreıadaǵy eń iri logıstıkalyq kompanııa jáne álemdegi jetekshi kompanııalardyń biri bolyp sanalady.
Kompanııa jyl saıyn teńiz arqyly 1,5 mln JFE (jıyrma fýttyq ekvıvalent) jáne áýe kóligimen 120 myń tonnadan astam júk tasymaldaıdy.
Kezdesý barysynda taraptar Transkaspıı halyqaralyq kólik baǵyty boıynsha konteınerlik júkterdi Eýropadan Qazaqstanǵa keri júkteý máselesin pysyqtady. Sonymen qatar ekijaqty yntymaqtastyq pen qoldanystaǵy tranzıttik dálizder men jańa marshrýttar sheńberinde «LX Pantos» kompanııasynyń qatysýyn talqylady.
Kezdesý qorytyndysy boıynsha «PTC Holding» JShS men «LX Pantos» arasynda yntymaqtastyq týraly Memorandýmǵa qol qoıyldy.
Aıta keteıik, Transkaspıı dálizi boıyndaǵy seriktes eldermen birlesken sharalar kúsheıtildi.
Qytaı-Qazaqstan-Eýropa baǵytyndaǵy alǵashqy kólik kerýeni attandy.
Transkaspıı kólik baǵdary arqyly ótetin júk kólemi 5 ese artýy múmkin.
