Transheıa qazyp, tabıǵatqa zııan keltirýshilerdiń jerleri memleket menshigine alynady

TÚRKІSTAN. KAZINFORM - Qyzyl kitapqa engen baýyrymen jorǵalaýshylar men úı janýarlary transheıada ólip ketip jatyr.

Óńirde aýyl sharýashylyǵy maqsatynda berilgen jerlerden transheıa qazyp, zańsyzdyqqa jol bergen 6 azamattyń isi sotta qaralyp jatyr. Zań buzýshylarǵa jalpy quny 1 mıllıon 600 myń teńgeden astam aıyppul salynǵan.

Sondaı-aq, zańbuzýshylyqty joıý jónindegi 17 nusqama tabystalǵan. 

- Sharýalar óz jerlerine mal-janýarlar kirmeýi úshin jer zańnamasynyń talabyn buzyp, belgilengen jer telimderin aınaldyra qazyp tastaıdy. Departament tarapynan ákimshilik quqyq buzýshylyq týraly kodekstiń 339 babyna sáıkes shara qoldanylyp, 3 aıǵa zań buzýshylyqty joıý jóninde nusqama tabystalady. Sol úsh aı merzim ishinde zań buzýshylyq qaıta qalpyna keltirilmese, jerdi sot arqyly májbúrlep alyp qoıý jóninde jumystar atqaratyn bolamyz, - deıdi Túrkistan oblystyq jer resýrstaryn basqarý departamenti basshysynyń mindetin atqarýshy Jambyl Saparbekov.

Aıta keteıik, budan buryn Ońtústikte Qyzyl kitapqa engen janýarlar transheıaǵa túsip ólip jatqanyn jazǵan bolatynbyz. ıAǵnı, aýyl sharýashylyǵy maqsatynda jer alǵan sharýalar aýmaǵyn arnaıy materıaldarmen qorshap shyǵyndalmaı-aq aınalasyn bir metr tereńdikte qazyp tastaıdy. Bul tásil sharýaǵa tıimdi bolǵanymen tabıǵatqa orasan zor zalalyn tıgizip otyr.

Atap aıtar bolsaq, túrli baýyrymen jorǵalaýshylar men úı janýarlary sol transheıaǵa túsip qaıta shyǵa almaı, ólip ketip jatyr. Olardyń ishinde qyzyl kitapqa engen janýarlarda bar.