«Transgender operasynan» Aýǵandaǵy kóknárge deıin: Vashıngton USAID-ty nege aıyptady
ASTANA. KAZINFORM - AQSh-tyń Halyqaralyq damý agenttigi (USAID) ondaǵan jyl ishinde birqatar jobaǵa, eshqandaı baqylaýsyz kóp qarajat jumsady. Muny Aq úı málimdedi, dep habarlaıdy Kazinform tilshisi.
Shyǵyndar men teris paıdalanýdyń birneshe mysaly ǵana usynyldy:
- «Jumys toptarynda jáne Serbııanyń isker toptarynda teńdik pen ınklıýzıvtilikti ilgeriletý» úshin $1,5 mln
- Irlandııada «DEI [Ártúrlilik, teńdik jáne ınklıýzııa] mıýzıkli» qoıylymyna $70 000
- Vetnamǵa arnalǵan elektrli mashınalarǵa $2,5 mln
- Kolýmbııadaǵy «Transgender operasy» úshin $47 000
- Perýdegi «Transgender komıksi» úshin $32 000
- Gvatemaladaǵy jynys aýystyrý men «LGBT belsendiligi» úshin $2 mln
- Mysyr týrızmin qarjylandyrýǵa $6 mln
- Ýhan zerthanasyndaǵy zertteýlerge úles qosqan EcoHealth Alliance-qa mıllıondar baǵyttaldy
- Sırııadaǵy Al-Kaıda (Qazaqstanda tyıym salynǵan - red.) sodyrlaryna júz myńdaǵan portsııa as jiberildi
- damýshy elderdegi «jekelendirilgen» kontratseptıvter men týýdy baqylaý quraldaryn qarjylandyrý
- «Aýǵanstanda buryn-sońdy bolmaǵan kóknár ósirý men geroın óndirisin qoldaý úshin paıdalanylǵan sýarý arnalaryn, aýylsharýashylyǵy jabdyqtaryn jáne tipti tyńaıtqyshtardy» qarjylandyrý úshin júzdegen mıllıon dollar jumsaldy, bul Talıbanǵa paıdaly boldy
Buǵan deıin AQSh Memlekettik hatshysy Marko Rýbıoǵa USAID-ty ýaqytsha basqarý tapsyrylǵany habarlanǵan bolatyn.