Transfýzıologııa ǵylymı-óndiris ortalyǵy TMD keńistiginde iri qan ortalyqtarynyń bestigine enip otyr
«Qan komponentimen qamtamasyz etý úshin 1000 myń adamǵa shaqqanda 40-50 donatsııa (adamnyń qan tapsyrý úderisi) qajet. Búginde bul qajettilik tek Astanada ǵana tolyq qamtamasyz etilgen. Atap aıtqanda elordada 1000 adamǵa shaqqanda 58-di qurap otyr», - dedi ortalyq basshysy.
Onyń sózine qaraǵanda, Astanadaǵy qan ortalyǵy boıynsha jylyna shamamen 50 myń donatsııa júrgiziledi. Bul birinshi kezekte joǵary mamandandyrylǵan medıtsınalyq kómektiń elordada júzege asyrylýyna baılanysty, ıaǵnı barlyq elimizdiń densaýlyq saqtaý salasyndaǵy barlyq aldyńǵy qatarly klınıkalar Astanada shoǵyrlanǵan.
«Osyǵan oraı elordada donorlyqtyń deńgeıi artyp otyr. Búginde onyń deńgeıi qaladaǵy barlyq respýblıkalyq jáne qalalyq medıtsınalyq mekemelerdi qannyń qajetti kólemimen qamtamasyz etip otyr. Qazirgi kezde Transfýzıologııa ǵylymı-óndiris ortalyǵy qan tapsyrýshylar kólemi boıynsha TMD keńistiginde iri qan ortalyqtardyń bestigine enip otyr», - dedi J. Búrkitbaev.
