Transformerbek: Shymkent kóshelerinde Optımýs Praım júr
ShYMKENT. KAZINFORM - Baǵdarshamnan ótken transformer kópshilikti tańǵaldyrdy.

Áleýmettik jelide taraǵan vıdeodan robot transformerdiń júrginshiler jolynan ótip bara jatqanyn kórýge bolady. Tipti, júrgizýshilerge qol kótergen sáti de vıdeoǵa anyq túsip qalǵan. Boıy eki metrge jýyq robot keıpine engen adamnyń júrisi de Optımýs Praımǵa uqsaıdy.
Atalǵan vıdeoǵa oqyrmandar tarapynan túrli pikirler jazylyp jatyr. Olardyń ishinde, «transformerbek», «magazınniń aldynda turatyn edi, júrip ketken be?», «Shymkentke jeter qala joq», «Jolda kórseń kınodaǵydaı kórinedi eken, toıda basqasha kórinedi», «Qatyn kópirge zapchastqa bara jatyr ma?» degen jazbalar bar.
Al jaqynda Shymkenttegi ortalyq kósheniń birine úlken aspaly iphone telefony ornatyldy. Jeli belsendileriniń jazýynsha, telefon jarnama retinde qoıylǵan. Sondaı-aq, ekranynan túrli jarnamalyq rolıkterdi tamashalaýǵa bolady.
Aıta keteıik, budan buryn Shymkenttegi Abaı saıabaǵynda zańsyz salynǵan nysan buzylatynyn jazǵan bolatynbyz.