TransAsia Airways ushaq apatynan qaza tapqandardyń otbasyna 33 myń dollardan tóleıdi
ASTANA. QazAqparat - Ótken sársenbide ATR-72 ushaǵy apatqa ushyraǵan taıvandyq TransAsia Airways kompanııasy qaza tapqandardyń otbasyna 33 myń dollardan tóleıdi, dep habarlady ITAR-TASS.
Budan basqa, apat saldarynan jaraqattanǵan jolaýshylarǵa 6 myń dollardan berilmek.
Kompanııa qaıǵyly oqıǵa qurbandary týraly derekterdi naqtylady: 48 adam mert bolyp, 10 adam aýrýhanaǵa jetkizilgen.
ATR-72 ushaǵy Penhý (Qytaı men Taıvan aralyǵynda ornalasqan) arhıpelagyndaǵy Magýn qalasynyń áýejaıyna qonar kezde apatqa ushyrady. Laıner Gaosıýnnen Magýn qalasy baǵdaryndaǵy GE222 reısti oryndaǵan.
Ushaqtyń osy óńirde «Matmo» daýyly soqqan kezde, aýa raıynyń qolaısyz jaǵdaıynda qonǵany habarlandy.
Keleńsiz jaǵdaıdan keıin Magýn qalasynyń áýejaıy jabyldy.
