«Transaero» áýe kompanııasynyń dúısenbi kúnge josparlanǵan 55 reısi ushyrylmaıdy
ASTANA. QazAqparat - Qazan aıynyń basynan bergi reısteri tárizdi, "Transaero" áýe kompanııasynyń 12 qazan kúngi 55 reısi ushyrylmaıtyn boldy, dep habarlaıdy Vestı.rý áýe tasymaldaýshynyń baspasóz qyzmetine silteme jasap.
Ushyrylmaıtyn reısterdiń jolaýshylaryn qajetti jerlerine jetýin "Aeroflot" toby qamtamasyz etetin bolady. Aıta keteıik, 11 qazan kúni "Transaero" áýe kompanııasynyń 53 reısi ushyrylmaı qalǵan bolatyn. Ushyrylmaıtyn reıster týraly aqparatty áýe kompanııasynyń saıtynan qaraýǵa bolady.
2015 jylǵy 12 qazanda ushyrylmaıtyn reısterdiń ishinde Qazaqstanǵa ushatyn UN 229 Vnkýovo-Qaraǵandy baǵyty da bar.
Budan buryn Reseı úkimeti atalmysh kompanııanyń bankrot bolǵany týraly sheshim qabyldaǵan bolatyn, 1 qazannan bastap áýe tasymaldaýshysy bıletter satpaıtyn boldy. Іri reseılik áýe kompanııasy óziniń 250 mlrd. rýblge jýyq qaryzyn óteı almady.
Endi Reseı memleketi «Transaero» kredıti boıynsha 9 mlrd. rýbldi óteıtini belgili boldy.
Budan buryn habarlaǵanymyzdaı , «Transaero» áýe kompanııasynyń aqparatyna sáıkes, satylǵan bıletter qunyn qaıtarý úshin 100 mln. teńge qarjy qarastyrylǵan. Qazaqstanda bıletterdi qaıtarý «Transaero» AQ» AAQ QR Bas ókildigi (Astana) men Almaty qalasyndaǵy ókildiginde júzege asady.
