«Transaero» 15 qazanda ushýyn toqtatýy múmkin
ASTANA. QazAqparat - 15 qazanda bankrotqa ushyraıyn dep turǵan «Transaero» áýe kompanııasynyń ushýlaryn toqtatý týraly buıryqqa qol qoıylýy múmkin, dep aqparat kózderine silteme jasap «Kommersant» jazdy.
Aqparat kózi atap ótkendeı, Reseı avıatsııasynyń jospardan tys tekserýi kezinde óndiristik kórsetkishterdiń nasharlaýyna baılanysty áýe kompanııasynyń jumysyn toqtatýǵa týra keledi.
«Ázirge jolaýshylarǵa nazar aýdaryp otyrmyz - ushý kestesine qazir kedergi keltirýge bolmaıdy. Al 15 qazannan «Transaero» reısteri arqyly tasymaldaý boıynsha qarbalas aıaqtalady», - dedi ol.
Sarapshylardyń aıtýynsha, «Aeroflot» baǵyttyq jelisi «Transaeromen» sáıkes kelgendikten, jolaýshylardy tasymaldaý boıynsha problema týyndamaýy tıis. Alaıda Qazaqstanmen biraz qıyndyqtar bolýy múmkin, deıdi olar.
Osyǵan deıin habarlanǵandaı, «Transaero» 25 sáýirge deıin ushý boıynsha jarty mıllıon bılet satty.
