Tramvaı jolynda tirelip qalǵan avtobýs júrgizýshisi jazalandy
ALMATY. QazAqparat - Almatyda tramvaı jolynda tirelip qalǵan avtobýs júrgizýshisi jazalandy. Bul týraly qalalyq ІІD baspasóz qyzmeti habarlady.
Internette jarııalanǵan beınerolıkti búgin ákimshilik polıtsııa basqarmasy dereý tekserýge aldy.
Onda kórinip turǵandaı, 16 baǵyttaǵy avtobýs Tóle bı kóshesindegi tramvaı jolynda tirelip qalyp, jeńil relsti kólikterdiń jolynda jol qozǵalysyn qıyndatqan.
«Belgili bolǵandaı, avtobýs jekemenshik tasymaldaý kompanııaǵa tıesili eken. 24 jastaǵy júrgizýshi QR ÁQbK 596 baby 1 tarmaǵy (jaıaý júrgin joly, trotýarmen júrý) boıynsha aıyptalyp otyr. Bul bap boıynsha aıyppul kólemi 15 AEK, ıaǵnı 29730 teńgeni quraıdy», - dedi qalalyq ІІD basqarma basshysy Erkin Ótegenov.
