Tramptyń jarlyǵyn oryndaýdan bas tartqan AQSh Ádilet mınıstri jumystan bosatyldy
ASTANA. QazAqparat - AQSh prezıdenti Donald Tramp óziniń kóshi-qon jaıly jarlyǵyn oryndaýdan bas tartqan bas prokýror mindetin atqarýshy - Ádilet mınıstrliginiń basshysy Sallı Ieıtsti qyzmetinen bosatty, dep habarlady Aq úı.
Mınıstrlikti basqarýǵa Vırgınııa shtatynyń Shyǵys okrýginiń aımaqtyq prokýrory Dana Boente taǵaıyndaldy, dep jazady reseılik «RIA Novostı» agenttigi.
«Prokýror mindetin atqarýshy Sallı Ieıts Qurama Shtattardy qorǵaýǵa baǵyttalǵan zańdy jarlyqty oryndaýdan bas tartyp, ádilet mınıstrligin satyp ketti», - delingen Aq Úı málimdemesinde.
Aq Úı Ieıtstiń Barak Obama ákimshiliginde jumys istegenin eske saldy.
AQSh bas prokýrory mindetin atqarýshy, burynǵy prezıdent Barak Obama taǵaıyndaǵan Sallı Ieıts ádilet mınıstrliginiń zańgerlerine Tramptyń kóshi-qon týraly atqarý jarlyǵyn sotta qorǵamaý týraly tapsyrma bergen.
