Tramptyń soty 2024 jyldyń 20 mamyrynda bastalady

VAShINGTON. QazAqparat - Memlekettik mańyzy bar qupııa qujattardy zańsyz saqtady dep aıyptalǵan eks-prezıdent Donald Tramptyń isi boıynsha birinshi sot otyrysynyń kúni anyqtaldy, dep habarlaıdy QazAqparat euronews-ke silteme jasap.

Federaldy sýdıa Aılın Kennon AQSh-tyń burynǵy prezıdenti Donald Tramptyń qupııa qujattarǵa qatysty isi boıynsha sot isin bastaý kúnin 2024 jyldyń 20 mamyryna belgiledi. Tyńdaýlar onyń qazirgi prezıdent Djo Baıdenge qarsy qaıta saılaý naýqany qyzǵan kezde bastalady.

Prokýror sotty 2023 jyldyń jeltoqsanynda bastaýǵa shaqyrdy, al Tramptyń advokaty ony 2024 jyldyń qarashasynda ótetin prezıdenttik saılaýdyń sońyna deıin qaldyrýdy surady.

Jalpy, Aq úıdiń burynǵy basshysyna 38 bap boıynsha aıyp taǵyldy, onyń ishinde úlkenderge arnalǵan kıno aktrısasy Stormı Denıelske úndemeý úshin aqsha tólegeni týraly, sondaı-aq nesıe alý úshin múliktiń qunyn asyrǵan alaıaqtyq isi bar.

Ótken prezıdenttik saılaýdyń qorytyndysyn joıý áreketi boıynsha tergeý jalǵasýda.