Tramptyń prezıdenttik qyzmetiniń reıtıngi antırekord ornatty
ASTANA. QazAqparat - Aǵymdaǵy aptada AQSh prezıdenti Donald Tramptyń reıtıngi ulyqtaý rásimi ótken 20 qańtardan beri eń tómengi mejege deıin tústi.
Bul týraly Reuters/Ipsos áleýmettik saýalnamasynyń málimetterinde aıtylýda.
RIA agenttiginiń jazýynsha, Tramp qyzmetine kirisken ýaqytta ony saýalnamaǵa qatysqandardyń 46 paıyzy qoldasa (qoldamaǵany 44 paıyz), juma kúni jarııalanǵan zertteý nátıjesi boıynsha, prezıdenttiń qyzmetine respondentterdiń 38 paıyzynyń ǵana kóńili tolyp otyr. Qarsy pikir bildirgender - 56,2 paıyz (5,8 paıyzy jaýap berý kezinde eki oıly boldy).
Zertteý avtorlarynyń atap ótýinshe, Tramptyń reıtınginiń quldyraýy onyń óz partııalastary arasyndaǵy bedeliniń tómendeýinen bolyp otyr. Eger ótken aptada onyń qyzmetin respýblıkashylardyń 16 paıyzy qoldamasa, qazir - 23 paıyzy.
