Tramptyń qyzy Ivanka Aqúıde tegin qyzmet etetin boldy
ASTANA. QazAqparat - Donald Tramptyń qyzy Ivanka AQSh prezıdenti ákimshiligine qyzmetke ornalasty. Ol prezıdenttiń keńesshisi laýazymyna ıe boldy, dep jazady Bı-bı-sı.
Aıta keteıik, bul qyzmettegi adamǵa jalaqy tóleý qarastyrylmaǵan.
Ivankanyń prezıdenttiń keńesshisi bolatyny 20 naýryz kúni málim bolǵan. Ol joly Aqúıde jeke kabıneti bolatyny týraly habar taraǵan. Sondaı-aq, Ivankanyń prezıdent ákimshiliginde resmı laýazymy bolmaıtyny týraly da aqparat bolǵan.
Amerıka buqaralyq aqparat quraldarynda Tramptyń qyzy qupııa aqparattarǵa qol jetkize alatyny jáne onyń keńsesi Aqúıdiń batys bóliginde bolatyny týraly jazylǵan edi.
