Tramptyń ınaýgýratsııasynda «Mınýta slavy» baǵdarlamasynyń qatysýshysy án aıtady
ASTANA. QazAqparat - Klassıkalyq krossover janrynda án shyrqaıtyn 16 jastaǵy Djekı Ivanko AQSh-tyń jańadan saılanǵan prezıdenti Donald Tramptyń 20 qańtarda ótetin ınaýgýratsııasynda Amerıka ánuranyn shyrqaýǵa kelisim berdi.
Bul týraly ánshi NBC telearnasynyń Today Show baǵdarlamasynda aıtqan.
«Men óte qýanyshtymyn. Bul keremet bolady», - dedi Djekı. Jas ánshi bunyń aldynda is-sharalarda AQSh Prezıdenti Barak Obama úshin eki ret án aıtqan edi. Sondaı-aq, ol Tramp qatysqan qaıyrymdylyq sharada óner kórsetken, dep habarlaıdy Lenta.rý. 2012 jyly Djekı (tolyq esimi Jaklın Marı) Sankt-Peterbordyń Saraı alańynda sımfonııalyq orkestrdiń súıemeldeýimen Dmıtrıı Hvorostovskıımen jáne Sýmı Iomen án aıtqan bolatyn.
