Tramptyń balalary AQSh ákimshiligine jumysqa ornalasýdy josparlamaıdy
ASTANA. QazAqparat. AQSh-tyń jańa taǵaıyndalǵan prezıdenti Donald Tramptyń qyzy Ivanka «60 mınýt» baǵdarlamasynda ákesiniń ákimshiliginiń bir múshesi bolý óz josparyna kirmeıtindigin málimdedi, dep habarlaıdy QazAqparat.
Gazeta.ru gazetiniń Daily Mail-ge silteme jasap jazýynsha, «60 mınýt» baǵdarlamasynda saýaldarǵa jaýap bergen burynǵy model «ákesiniń qyzy» bolyp qalǵysy keletinin atap aıtty. Ivanka áıelder quqyǵyn qorǵaý isinde «úlken áser» alǵanyn jetkizdi, «alaıda bul ákimshilik ókili retinde emes» ekenin ańǵartty.
«Men ákemniń qyzy bolyp qalǵym keledi. Alaıda naýqan barysynda aıtyp ótkenimdeı, meni keıbir problemalar qatty tolǵandyrady: teńdik, balalardyń kútimi - bul dúnıeler men úshin óte mańyzdy», - dep málimdedi ol.
Tramptyń basqa balalary da ákeleriniń bolashaq ákimshiliginiń músheleri bolmaıtyndaryn rastap berdi. Bunyń ornyna olar Nıý-Iorkte qalyp, otbasylyq avtıvterdi basqarýdy jalǵastyrýdy josparlaýda.
Buǵan deıin BAQ-ta habarlanǵandaı, AQSh-tyń burynǵy memlekettik hatshysy Hılları Klıntonnyń qyzy Chelsı AQSh kongresi ókilderi palatasynyń múshesi bolýdy josparlaýda.
