Tramptyń uly atystan keıin kúdiktiniń ustalǵanyn habarlady

ASTANA. KAZINFORM – AQSh prezıdenttigine Respýblıkalyq partııadan úmitker Donald Trampqa golf klýbynyń mańynda qastandyq jasady degen kúdikti ustaldy. Bul týraly eldiń eks-prezıdentiniń uly kishi Donald Tramp málimdedi, dep habarlaıdy TASS aqparat agenttigi.

«Bul taǵy da bolyp jatyr. Florıda shtatyndaǵy Vest Palm-Bıchtegi Tramp golf alańdarynda atys boldy. Jergilikti quqyq qorǵaý organdarynyń málimetinshe, butalar arasynan AK-47 avtomaty tabylǵan. Qolda bar málimetter boıynsha, kúdikti ustaldy», - dep jazdy ol áleýmettik jelide.

Buǵan deıin Donald Trampqa jańa qastandyq jasalǵany habarlanǵan bolatyn.

Eske sala ketsek, buǵan deıin AQSh-tyń Pensılvanııa shtatynda saılaýaldy aktsııasy kezinde Donald Trampqa qastandyq jasalǵanyn jazǵan bolatynbyz.

Onyń qulaǵy jaraqattandy, bir mıtıngke qatysýshy qaıtys boldy, taǵy ekeýi aýyr jaraqat aldy. Atqan adamdy qupııa qyzmet óltirgen.

Wall Street Journal basylymy AQSh respýblıkalyq partııasynyń kandıdaty Donald Trampqa oq jaýdyrǵan 20 jastaǵy Tomas Metıý Krýks týraly jańa málimetterdi ashty. 

Soltústik Karolına shtatynyń Asheboro qalasynda kóshede sóılegen sózinde Tramp oq ótkizbeıtin áınektiń artynda sóıleýdi jón kórdi.

Aqparatty Kazinform agenttigi úshin arnaıy TASS seriktes agenttigi usyndy.