Tramptyń sózine qatysty daýdan keıin BBC bas dırektory qyzmetinen ketedi

ASTANA. KAZINFORM — Brıtandyq habar taratý korporatsııasynyń (BBC) bas dırektory Tım Deıvı jáne BBC News jańalyqtar qyzmetiniń basshysy Debora Terness BBC Panorama baǵdarlamasynda Donald Tramptyń sózi burmalanyp óńdelgennen keıin týǵan daýdyń saldarynan qyzmetinen ketpek. Bul týraly VVS jazdy.

- Jalpy BBC jaqsy jumys isteıdi, biraq keıde qatelikter boldy. s, biz árqashan ashyq, transparentti bolýǵa jáne esep berýge mindettimiz. Bul - jalǵyz sebep emes, biraq BBC News tóńiregindegi qazirgi daý meniń sheshimime áser etti. Jalpy BBC jaqsy jumys isteıdi, biraq keıbir qatelikter boldy jáne bas dırektor retinde sońǵy jaǵdaıǵa qatysty jaýapkershilikti óz moınyma alýym kerek, - delingen Deıvı málimdemesinde.

Onyń aıtýynsha, ol dırektorlar keńesimen qyzmetten ketý merzimin kelisip jatyr, jańa basshylyqqa ókilettikterdi birtindep tapsyrý kelesi aılarda iske asady.

- Prezıdent Tramp týraly Panorama baǵdarlamasyna baılanysty týǵan pikirtalas BBC-ge zııanyn tıgizip jatyr. Biraq men naqty aıtqym keledi: BBC News-ke uıym retinde taǵylǵan sońǵy aıyptaýlar — jalǵan. Jaýapkershilik mende, - dep jazdy Debora Terness.

Terness senbi kúni Tım Deıvıǵa qyzmetinen ketý týraly ótinish bergenin habarlady.

BBC bas dırektory Tım Deıvı bul qyzmetke 2020 jyldyń qyrkúıeginde taǵaıyndalǵan. Buǵan deıin ol jeti jyl boıy korporatsııanyń kommertsııalyq bólimshesi BBC Studios-ty basqardy. Jalpy BBC-de 20 jyl jumys istegen.

Al BBC News jańalyqtar qyzmetiniń basshysy Debora Terness osy ujymǵa 2022 jyldan beri basshylyq etip kelgen. 

Eske sala ketsek, BBC arnasy Mańǵystaý oblysynyń tabıǵaty erekshe óńirin túsirdi. «The alien lands once hidden beneath the ocean» («Muhıt túbine jasyrynǵan tylsym jer») atty BBC Reel platformasynda jarııalanǵan beınerolık óńirdiń geologııalyq tarıhyna arnalǵan.