Tramptyń salyq zańy bıýdjet tapshylyǵyn 3,4 trln dollarǵa arttyrady

ASTANA. KAZINFORM – Kongrestiń bıýdjet basqarmasynyń habarlaýynsha, prezıdent Donald Tramptyń salyq jáne shyǵyn týraly zańy 2034 jylǵa qaraı federaldyq bıýdjet tapshylyǵyn 3,4 trln dollarǵa arttyrady, dep habarlaıdy FOX4. 

Respýblıkashyldar málimdegendeı, Tramp 4 shildede qol qoıǵan zań jobasy AQSh-ta jasalǵan jańa kólikter úshin shaıpul, ústeme jumys aqysy jáne avtonesıe boıynsha paıyzdar úshin salyq shegerimderin qamtamasyz etý arqyly barlyq AQSh azamaty úshin salyqty azaıtady. Alaıda AP-NORC saýalnamasy amerıkalyq eresekterdiń shamamen úshten ekisi jańa salyq zańy baılarǵa kómektesedi dep kútetinin kórsetti.

Atap ótilgendeı, zań jobasy Medicaid (medıtsınalyq saqtandyrý boıynsha memlekettik baǵdarlama) jáne azyq-túlik kómegine bolashaq shyǵyndardy qysqartady jáne keıbir taza energııa salyq jeńildikterin joıýdy tezdetedi.

Kongrestiń bıýdjettik basqarmasy atap ótkendeı, 1 trln dollardan astam tapshylyqty únemdeý zań jobasynyń densaýlyq saqtaý bólimderi esebinen alynady, olar keıbir Medicaid-tyń keıbir benefıtsıarlary úshin jumysqa ornalastyrýdyń jańa talaptaryn qamtıdy, al 2034 jylǵa qaraı 10 mln-nan astam adamdy medıtsınalyq saqtandyrýsyz qalady. 

Buǵan deıin AQSh-tyń memlekettik qaryzy 37 trln dollardan asqanyn jazǵan bolatynbyz.