Tramptyń Reseıge qatysty sheshiminen keıin munaı baǵasy quldyrady
ALMATY. KAZINFORM — 19 qazan tańerteń álemdik munaı baǵasy tómendedi.
Saýda málimetterine sáıkes, Brent markaly munaı 1,99 dollarǵa nemese 1,81%-ǵa arzandap, barreline 107,87 dollar boldy.
WTI markaly munaıdyń baǵasy 0,76 dollarǵa nemese 0,75%-ǵa tómendep, barreline 100,65 dollarǵa jetti.
Reseılik Urals markaly munaıdyń baǵasy 0,59 dollarǵa nemese 0,51%-ǵa tómendep, barreline 114,30 dollarǵa deıin tústi.
Brent, WTI jáne reseılik Urals markaly munaı baǵasynyń tómendeýine AQSh prezıdenti Donald Tramptyń Reseıge qarsy sanktsııalardy jeńildetý týraly sheshimi áser etti. Bul álemdik naryqqa janarmaı jetkiziliminiń artýyna ákelýi múmkin.
Sonymen qatar munaı jetkizilimine qatysty táýekelder saqtalyp otyr. Buǵan deıin Ormýz buǵazynda 2 mıllıon barrelden astam munaı tasymaldaǵan asa iri munaı tankeri mınaǵa túıisken edi.
