Tramptyń krıptovalıýtalyq keshki asyna bir orynǵa ortasha eseppen 1 mln dollar jumsaldy
ASTANA. KAZINFORM – AQSh prezıdentimen keshki asqa qatysý baıqaýynyń 220 jeńimpazy krıptovalıýta satyp alýǵa jalpy 394 mln dollar jumsady. Bul bir adamǵa eseptegende ortasha eseppen 1 788 994,42 dollar boldy, dep habarlaıdy NBC News.
Blokcheın-saraptaýmen aınalysatyn Nansen kompanııasynyń taldaýyna sáıkes, esimin qupııa etken 200-den astam aýqatty adam beısenbi kúni Vashıngtonda Donald Tramppen birge keshki asqa $ TRUMP memkoınin satyp alý úshin 55 myńnan 37,7 mln-ǵa dollar aralyǵynda aqsha jumsady.
Úzdik jeti jeńimpaz 10 mln dollardan astam qarajat jumsasa, tómengi 24 jeńimpaz 100 myń dollardan az jumsady. Jeńimpazdardyń úshten birine jýyǵy – 67 adam 1 mln dollardan astam qarajat jumsaǵan.
Baıqaýdyń 220 jeńimpazy Vashıngtondaǵy Trump National Golf Club-qa keshki asqa shaqyryldy.
Baıqaý veb-saıtynda $TRUMP monetalarynyń 80%-y Tramppen baılanysty eki kompanııa – CIC Digital jáne Fight Fight Fight LLC-ǵa tıesili ekenin atap ótildi.
Buǵan deıin Tramp prezıdenttik merzimi aıaqtalǵansha «Altyn kúmbez» salýdy josparlap otyrǵanyn jazǵan bolatynbyz.