Tramptyń Qytaımen saýda qaqtyǵysy týraly málimdemesi krıptovalıýta naryǵyn qulatty

ASTANA. KAZINFORM — AQSh prezıdenti Donald Tramptyń Qytaımen saýda soǵysynyń jańa kezeńi týraly málimdemeleri krıptovalıýta naryǵynyń quldyraýyna ákep soqty, dep habarlaıdy DW.

Juma kúni keshke bıtkoınniń baǵasy kúndizgi 122 myń dollardan shamamen 105 myń dollarǵa deıin tómendedi.

Senbi tańerteń bıtkoın baǵasy qaıtadan 112 myń dollarǵa kóterildi.

Baǵa ózgeristerine AQSh prezıdentiniń 1 qarashadan bastap Qytaıdan keletin barlyq ımportqa kedendik baj salyǵyn engizý týraly málimdemeleri sebep boldy.

Donald Tramp Qytaıdy «saýda salasynda óte agressıvti pozıtsııa ustady» dep atap ótti.

Al Qytaı bir kún buryn sırek metaldarǵa eksporttyq shekteýler engizgen bolatyn. Qytaı — álemdegi sırek metaldardyń negizgi jetkizýshisi, olar túrli joǵary tehnologııalyq salalar úshin, sonyń ishinde AQSh-ta da mańyzdy ról atqarady.

Tramptyń jańa baj salyǵyn engizý týraly málimdemelerine Beıjiń áli jaýap bergen joq.

Buǵan deıin AQSh-tyń Federaldy apellıatsııalyq soty Tramptyń engizgen kóptegen baj salyqtary zańsyz dep sheshim shyǵaryp, keıinnen ákimshilik bul tarıfterdi saqtaý úshin Joǵarǵy sotqa júgingen bolatyn.