Tramptyń Qytaıǵa sapary munaı naryǵyna qalaı áser etti

ALMATY.KAZINFORM - Álemdik munaı baǵasy beısenbi kúni azdap qubylyp tur.

Pýtın, Tramp, Sı Tszınpın
Foto: t.me/@news_kremlin

19 qarasha kúni tańerteń Brent markaly munaıdyń fıýchersteri barreline 91,89 dollar deńgeıinde saýdalandy. Bul aldyńǵy kórsetkishten 0,06 dollarǵa nemese 0,07%-ǵa tómen.

Amerıkalyq WTI markaly munaıdyń baǵasy barreline 82,91 dollar boldy. Bul aldyńǵy kórsetkishten 0,35 dollarǵa nemese 0,42%-ǵa az.

Reseılik Urals markaly munaıdyń baǵasy 0,03 dollarǵa nemese 0,04%-ǵa tómendep, barreline 71,07 dollar boldy.

Taıaý Shyǵystan munaı jetkiziliminiń úzilý qaýpi baǵaǵa áser etýdi jalǵastyryp otyr. Buǵan deıin ıemendik hýsıtter Er-Rııadtyń batysyndaǵy eki munaı aıdaý stantsııasyna drondarmen shabýyl jasaǵanyn málimdegen edi. Olardyń aıtýynsha, shabýyldan keıin nysandarda órt shyqqan.

Sonymen qatar naryq qatysýshylary Qytaı tóraǵasy Sı Tszınpın, Reseı prezıdenti Vladımır Pýtın jáne AQSh prezıdenti Donald Tramptyń aldaǵy úshjaqty kezdesýin baqylap otyr.

Kezdesý 19 qarashada Qytaıdyń Shenchjen qalasynda Azııa-Tynyq muhıty ekonomıkalyq yntymaqtastyǵy (ATES) sammıti aıasynda ótedi.