Irannyń qaqtyǵysty retteý jónindegi usynysyna Tramptyń kóńili tolmaı otyr
ASTANA. KAZINFORM - Vashıngton kelissózderdiń bastapqy kezeńinde-aq ıadrolyq baǵdarlamany talqylaýdy talap etedi. Bul týraly Kazinform agenttiginiń Taıaý Shyǵystaǵy menshikti tilshisi habarlady.
AQSh prezıdenti Donald Tramp Irannyń janjaldy retteýge qatysty sońǵy usynysyna narazylyn bildirdi. Sheteldik aqparat quraldarynyń dereginshe, bul usynysta ıadrolyq baǵdarlamany talqylaý keıinge qaldyrylǵan.
Buǵan deıin Tegeran pákistandyq deldaldar arqyly Vashıngtonǵa kezeń-kezeńimen júzege asatyn jospar joldaǵan. Alǵashqy kezeńde qaqtyǵysty toqtatyp, Parsy shyǵanaǵyndaǵy, sonyń ishinde Ormýz buǵazyndaǵy keme qatynasy máselesin retteý usynylǵan. Al ıadrolyq baǵdarlama tek sodan keıin qarastyrylýy tıis bolǵan.
Alaıda AQSh tarapy ıadrolyq máseleni kelissózdiń eń basynda talqylaý qajet degen ustanymda. Aq úıdegi talqylaýlardan habardar derekkózderdiń málimetinshe, Donald Tramp bul máseleni keıinge qaldyrýdy quptamaıdy jáne ony kelissózderdiń bastapqy kezeńinde qarastyrýdy talap etip otyr.
President Trump is unhappy with the latest Iranian proposal on resolving the two-month war, a US official said, dampening hopes for a resolution to the conflict that has disrupted energy supplies, fueled inflation, and killed thousands https://t.co/jmAM6nYFGO
— Reuters (@Reuters) April 28, 2026
— Bul usynys oǵan unap otyrǵan joq, — dep keltiredi sheteldik basylymdar amerıkalyq sheneýniktiń sózin.
Sonymen qatar, aqparat kózderiniń habarlaýynsha, Aq úı Iran porttaryna qoıylǵan shekteýlerdi ıadrolyq baǵdarlamaǵa qatysty naqty kelisimsiz jeńildetý AQSh-tyń kelissózdegi negizgi tetikteriniń birinen aıyrylýyna ákelýi múmkin dep sanaıdy.
Aq úı kelissózderdiń egjeı-tegjeıine qatysty pikir bildirýden bas tartty.
Prezıdenttiń baspasóz hatshysy Olıvııa Ýels Vashıngton óz ustanymyn naqty aıqyndap qoıǵanyn ǵana jetkizdi.
Derekkózderdiń málimetinshe, bul usynys dúısenbi kúni Donald Tramptyń ulttyq qaýipsizdik jónindegi keńesshilerimen ótken kezdesýde talqylanǵan. Alaıda AQSh-tyń aldaǵy qadamdary ázirge belgisiz kúıinde qalyp otyr.
Pleased to engage with Russia at the highest level as the region is in major flux.
— Seyed Abbas Araghchi (@araghchi) April 28, 2026
Recent events have evidenced the depth and strength of our strategic partnership. As our relationship continues to grow, we are grateful for solidarity and welcome Russia's support for diplomacy. pic.twitter.com/I1VyDSfxET
Ótken demalys kúnderi Irannyń syrtqy ister mınıstri Abbas Aragchı Islamabadqa eki ret baryp, Omanǵa saparlady. Dúısenbi kúni ol Máskeýde Reseı prezıdenti Vladımır Pýtınmen kezdesti. Al Donald Tramp arnaıy ókil Stıv Ýıtkoff pen keńesshi Djared Kýshnerdiń Islamabadqa josparlanǵan saparyn keıinge qaldyrdy.
