Qytaı tóraǵasynyń orynbasary Donald Tramptyń AQSh-taǵy ınaýgýratsııasyna qatysady
ASTANA. KAZINFORM – Bul týraly juma kúni QHR Syrtqy ister mınıstrliginiń resmı ókili málimdedi.
Amerıkalyq taraptyń shaqyrýymen QHR tóraǵasy Sı Tszınpınniń arnaıy ókili, orynbasary Han Chjen Donald Tramptyń ulyqtaý rásimine qatysady.
Qytaı SІM resmı ókiliniń aıtýynsha, Qytaı Qurama Shtattarmen qarym-qatynasyn damytý jáne nyǵaıtý jolynda ózara qurmet, beıbit qatar ómir súrý jáne utylyssyz yntymaqtastyq qaǵıdattaryn ustanady.
- Biz AQSh-tyń jańa úkimetimen dıalog pen baılanysty nyǵaıtýǵa, kelispeýshilikterdi tıisti jolmen retteýge, ózara tıimdi yntymaqtastyqty keńeıtýge jáne Qytaı men AQSh-ty memleketaralyq qarym-qatynasty jaqsartýdyń durys jolyna turýyna múmkindik beretin ekijaqty qarym-qatynasynyń turaqty, salaýatty jáne turaqty damýyna yqpal etý úshin birlesken kúsh-jiger jumsaýǵa daıynbyz, - dedi Qytaı SІM ókili.
Eske sala ketsek, AQSh-tyń jańadan saılanǵan prezıdenti Donald Tramptyń ulyqtaý rásimi 20 qańtarda Vashıngtonda ótedi.
Buǵan deıin TikTok kompanııasynyń bas dırektory Shoý Tszy Chý 20 qańtarda AQSh-tyń jańadan saılanǵan prezıdenti Donald Tramptyń ulyqtaý rásimine qatysýdy josparlap otyrǵanyn jazǵan bolatynbyz.
Tramp bılikke kelgen alǵashqy kúni ne isteýi múmkin – kelesi silteme arqyly ótip bile alasyz.