Tramptyń golf-kýrortynda 6 metrlik «altyn» músini ornatyldy
ASTANA. KAZINFORM – Donald Trampqa arnalǵan jańa músin AQSh-taǵy Trump National Doral golf-kýrortynda ornatyldy, dep habarlaıdy Golfweek jýrnaly.
Altyn jalatylǵan qoladan jasalǵan músin saıasatkerge 2024 jylǵy qastandyqtan keıingi sátti beıneleıdi. Golfweek jýrnalynyń málimetinshe, týyndynyń avtory – músinshi Alan Kottrıll. Eskertkish tuǵyrmen birge 6,7 metrge jetedi, al músinniń óz bıiktigi shamamen 4,5 metr.
Kásibı golfshy Maverık Maknılı jańa nysanǵa qatysty pikir bildirip, óte bıik ári óte altyn tústi ekenin atap ótti.
Tramp golf oıynyna erekshe qyzyǵýshylyǵymen tanymal jáne Florıdadaǵy óz alańdarynda jıi ýaqyt ótkizedi.
HuffPost dereginshe, prezıdenttiń golf-nysandarda bolǵan kezdegi qaýipsizdigin qamtamasyz etýge jumsalǵan shyǵyn amerıkalyq salyq tóleýshilerge ondaǵan mıllıon dollarǵa túsken. Tek 2024 jyly Aq úıge qaıta oralǵannan beri bul shyǵyn 18 mln dollardan asqan. Al alǵashqy prezıdenttik merziminde shamamen 151,5 mln dollar jumsalǵan.
Aıta keteıik, AQSh-ta táýelsizdiktiń 250 jyldyǵyna oraı Vashıngton qalasynda Donald Tramptyń beınesi bar pasporttar serııasy shyǵarylmaq.
Buǵan deıin Donald Tramp ózin Iısýs Hrıstosqa uqsas beınede kórsetetin sýretti jarııalaýyna qatysty túsinikteme bergen edi.
Sondaı-aq Tramp Vashıngtonda álemdegi eń úlken trıýmfaldi qaqpa saldyratynyn habarlady.
