Tramptyń Beıjińge sapary nátıjesinde AQSh pen Qytaı qandaı kelisimderge keldi
ASTANA. KAZINFORM — Aq úı Donald Tramptyń 13-15 mamyr kúnderi Qytaıǵa memlekettik sapary aıasynda AQSh pen Qytaı arasynda qol jetkizilgen kelisimder tizimin jarııalady , dep habarlaıdy Kazinform agenttiginiń Beıjińdegi menshikti tilshisi.
Jarııalanymǵa sáıkes, eki el kóshbasshylary búkil álemdegi bıznes pen tutynýshylar arasyndaǵy turaqtylyq pen senimdi nyǵaıtýǵa baǵyttalǵan birqatar negizgi máseleler boıynsha konsensýsqa qol jetkizdi. Taraptar Vashıngton men Beıjiń ádildik pen ózara túsinistik qaǵıdattaryna negizdelgen strategııalyq turaqtylyqtyń syndarly qarym-qatynastaryn qurýy kerek degen ortaq pikirge keldi.
Málimdemede eki kóshbasshy da Irannyń ıadrolyq qarýǵa ıe bolýynyń qabyldanbaıtynyn rastap, Ormýz buǵazynda kedergisiz keme qatynasyna shaqyrǵany, sondaı-aq Soltústik Koreıany ıadrolyq qarýdan tazartýǵa maqsatyna ortaq beıildiligin rastaǵany atap ótildi.
Eki memleket basshylary ekijaqty ekonomıkalyq qarym-qatynastardy ońtaılandyrý úshin eki jańa ınstıtýt qurdy, sonyń ishinde AQSh-QHR Saýda jónindegi keńesi jáne AQSh-QHR Investıtsııalar jónindegi keńesi bar.
— Qytaı AQSh-tyń sırek kezdesetin jer elementteri men ıttrıı, skandıı, neodım jáne ındıı sııaqty basqa da mańyzdy mıneraldarǵa baılanysty jetkizý tizbeginiń tapshylyǵyna qatysty alańdaýshylyǵyn qarastyrady. Qytaı sondaı-aq AQSh-tyń sırek kezdesetin jer elementterin óndirý jáne óńdeýge arnalǵan jabdyqtar men tehnologııalardy satýǵa tyıym salý nemese shekteýlerge qatysty alańdaýshylyǵyn qarastyrady, — delingen habarlamada.
Jarııalanymda atap ótilgendeı, Qytaıdyń 200 Boeing ushaǵyn satyp alýdy maquldaǵany jáne 2026 jyldan 2028 jylǵa deıin jyl saıyn keminde 17 mlrd dollarǵa AQSh aýylsharýashylyq ónimderin satyp alýǵa mindettendi. Bul jetkizilimder 2025 jyldyń qazan aıynda qol jetkizilgen maıburshaq satyp alý týraly ýaǵdalastyqtarǵa qosymsha bolady.
Qytaı sonymen qatar 400-den astam AQSh kásiporny úshin merzimi ótken ruqsattardy uzartý jáne AQSh qus etin ımporttaýdy qaıta bastaý arqyly amerıkalyq sıyr etiniń naryǵyna qoljetimdiligin qalpyna keltirdi.
Osyǵan deıin AQSh prezıdenti Donald Tramp, 13-15 mamyr aralyǵyndaǵy Qytaıǵa memlekettik saparyn aıaqtaǵanyn jazdyq.
