Tramptyń azamattyqqa shekteý qoıý jarlyǵy Joǵarǵy sotqa jetti

ASTANA. KAZINFORM — AQSh Joǵarǵy soty Tramptyń jańa týǵan sábıge azamattyq berýdi shekteýge arnalǵan jarlyǵynyń zańdylyǵyn sheshedi, dep habarlaıdy BBC.

AQSh Konstıtýtsııasyna 14-shi túzetý uzaq ýaqyt boıy sheteldik dıplomattardyń balalaryn qospaǵanda, AQSh-ta týylǵan kez-kelgen adamǵa avtomatty túrde azamattyq berý retinde túsindirildi jáne onda: «Amerıka Qurama Shtattarynda týylǵan nemese natýralızatsııalanǵan jáne olardyń ıýrısdıktsııasyna jatatyn barlyq adam Amerıka Qurama Shtattary men olar turatyn shtattyń azamattary» delingen.

Bul túzetilim 1857 jyly Dred Skott isi boıynsha AQSh Joǵarǵy sotynyń sheshimine jaýap retinde engizildi. Sol sheshimde quldardyń urpaqtary azamat emes dep tanylǵan edi.

— Donald Tramp óz qyzmetine kirisken alǵashqy kúni AQSh-ta zańsyz turǵan ata-analardyń balalaryna týǵannan beri azamattyq berýdi toqtatý týraly jarlyqqa qol qoıdy. Bul jarlyq sotta talqylanǵannan keıin birneshe federaldyq sot sýdıalary onyń Konstıtýtsııaǵa qaıshy ekenin málimdedi, eki federaldyq apellıatsııalyq sot bul sheshimdi rastady. Sodan keıin Tramp Joǵarǵy sotqa júgindi, — delingen habarlamada.

Maýsym aıynda Joǵarǵy sot prezıdenttiń paıdasyna sheshim shyǵardy, tómengi deńgeıdegi sottardyń qabyldaǵan shekteýleri olardyń ókilettiginen tys ekenin anyqtady.

Joǵarǵy sotta isti qaraý kúni áli belgilengen joq. Pew Research Center derekterine sáıkes, 2022 jylǵa qaraı AQSh-ta zańsyz ımmıgranttardyń 1,2 mıllıony týǵannan beri azamattyq alǵan.

Tramptyń jańa týǵan sábıge azamattyq berýdi shekteý týraly jarlyǵy demokrattardyń narazylyǵyn týǵyzdy. Sodan keıin sýdıa ýaqytsha Tramptyń jarlyǵyn toqtatty.

Aıta ketelik Sýdıa Tramptyń týý quqyǵy boıynsha azamattyq týraly jarlyǵyna ýaqytsha tyıym salǵan edi.