Tramptyń arnaıy ókilderi Zelenskıımen kezdesý úshin Kıevke bardy
ASTANA. KAZINFORM — AQSh prezıdenti Donald Tramptyń arnaıy ókilderi Djared Kýshner men Stıv Ýıtkoff Ýkraına prezıdenti Vladımır Zelenskıımen kezdesý úshin Kıevke bardy.
Ýkraına BAQ-tarynyń habarlaýynsha, AQSh prezıdentiniń ókilderi Polsha aýmaǵynan poıyzben Ýkraına astanasyna kelgen.
«Eýropalyq shyndyq» basylymynyń jazýynsha, Kýshner men Ýıtkoff beıbit retteý máselelerimen aınalysa bastaǵannan beri Ýkraınaǵa alǵash ret kelip otyr.
Eske salaıyq, buǵan deıin Donald Tramptyń arnaıy ókilderi Máskeýde Reseı prezıdenti Vladımır Pýtınmen kezdesti. Aq úı ókilderi bul kelissózderdi «mazmundy» dep baǵalady.
