Tramptyń arnaıy ókili Ýkraınadaǵy soǵysty 24 saǵatta toqtatý jóninde pikir bildirdi

ASTANA. KAZINFORM - AQSh prezıdenti Donald Tramp 2024 jyly saılaýaldy naýqany barysynda Ýkraınadaǵy soǵysty 24 saǵatta toqtata alatynyn aıtqan bolatyn.

Tramp osy isti júzege asyra alatynyn óziniń ınaýgýratsııasyna, ıaǵnı 20 qańtarǵa deıin málimdegen edi.

Halaqyralyq ister jónindegi keńestiń baspasóz máslıhaty barysynda AQSh prezıdentiniń arnaıy ókili Kıt Kellog Tramptyń saılaý aldyndaǵy ýádesi týraly qaljyńdady.

- Prezıdenttiń Ýkraınadaǵy soǵysty 24 saǵatta toqtatatynyn aıtqany esterińizde bolar. Biz onyń qaı jyly jáne qaı kúni ekenin naqtylaǵan joqpyz, - dedi Kıt Kellog.

Aıta keteıik, Tramp Máskeý men Kıevti beıbit kelissózderdi bastaýǵa shaqyrdy.