Tramptyń arnaıy elshisi Kıevtiń prezıdent saılaýyn ótkizýge daıyn ekenin málimdedi
ASTANA. KAZINFORM –Ýkraınada kezekti prezıdent saılaýy 2024 jyly ótkizilýi tıis. Alaıda bul eldiń zańy boıynsha áskerı jaǵdaı kezinde qandaı da bir daýys berý sharalarynyń ótýine tyıym salynǵan, dep habarlaıdy BBC.
- Olar buǵan kelisti, Ýkraınada saılaý bolady, -dedi Stıv Ýıtkoff Taker Karlsonǵa bergen suhbatynda.
Ýıtkoff sonymen qatar Ýkraınanyń NATO múshesi bolmaıtynyn atap ótti. Biraq ýkraındyqtarmen «besinshi pýnkt» jóninde áńgime boldy. Onyń talaptary boıynsha, NATO-nyń árbir múshesi ózge múshelerden kómek alady. Bul rette áńgime Ýkraına NATO múshesi bolmasa da osyndaı kómekti alýǵa quqyly ma, degen saýal tóńireginde órbidi.
- NATO-ǵa keletin bolsaq, Zelenskıı men onyń «oń qoly» Ermak NATO-ǵa múshe bolmaıtynyn moıyndady deýge bolady, - dedi arnaıy ókil.
Osyǵan deıin Tramptyń Ýkraına boıynsha kelissózderdiń baǵyt-baǵdary aıqyndala bastaǵany týraly aıtqanyn jazdyq.