Tramppen telefon arqyly sóılesken Zelenskıı AQSh prezıdentine alǵysyn bildirdi

ASTANA. KAZINFORM – Vladımır Zelenskıı men Donald Tramp telefon arqyly sóılesti, dep habarlaıdy Kazinform Ýkraına prezıdentiniń Telegram arnasyna silteme jasap.

Zelenskıı Tramppen áńgimeniń nátıjeli bolǵanyn atap ótti. Taraptar Ýkraına men AQSh-tyń ustanymdaryn talqylady. 

– Biz Amerıka Qurama Shtattarynyń Prezıdentine adal jáne turaqty beıbitshilik pen barlyq kúsh-jigeri úshin alǵys aıtamyz, - dep jazdy ol. 

Sonymen qatar Zelenskıı men Tramp NATO-men ózara is-qımyl, sondaı-aq qorǵanys salasyndaǵy yntymaqtastyq máselelerin talqylady.

Eske sala keteıik, buǵan deıin AQSh prezıdenti Donald Tramp Reseı prezıdenti Vladımır Pýtın men Ýkraına basshysy Vladımır Zelenskııdiń kezdesýi ótýi tıis ekenin málimdegen bolatyn.