Tramplınnen sekirýden Qurlyqaralyq kýbok: Tkachenko TOP-20 endi
ASTANA. QazAqparat - Qazaqstandyq shańǵyshy, 2018 jylǵy Olımpıada oıyndarynyń qatysýshysy Sergeı Tkachenko tramplınnen sekirýden Polshanyń Zakopane qalasynda ótip jatqan Qurlyqaralyq kýbokta úzdikter qataryna endi, dep habarlaıdy «SPORTINFORM» SAA QR Ulttyq olımpıada komıtetine silteme jasap.
Birinshi jarys kúninde otandasymyz eń úzdik kórsetkishke (137,5 metrge) sekirip, eki múmkindik qorytyndysy boıynsha 249,8 metr nátıjemen 9-orynǵa turaqtady. Ekinshi kúni Sergeı Tkachenko 231,4 upaı jınap, jarysty 16-orynmen aıaqtady.
Qurlyqaralyq kýbok kezeńiniń jeńimpazy aýstrııalyq Manýel Fettner boldy. «Kúmis» slovenııalyq Bor Pavlovchıchtiń enshisinde ketti. Úzdik úshtikti Aýstrııanyń taǵy bir ókili Shtefan Hýber túıindedi.
