Tramplınnen sekirý: Sapporodaǵy álem chempıonaty koronavırýs saldarynan keıinge qaldyryldy
TOKIO. KYODO NEWS – QazAqparat -Uıymdastyrýshylar aldaǵy jyldyń qańtar-aqpan aılarynda Sapporo qalasynda ótkizý josparlanǵan tramplınnen sekirý boıynsha álem chempıonatynyń tórt sharasy koronavırýs pandemııasy saldarynan keıinge qaldyrylǵanyn málimdedi, dep habarlaıdy QazAqparat KYODO NEWS-qa silteme jasap.
Sapporonyń shańǵy qaýymdastyǵy Halyqaralyq shańǵy federatsııasy bekitken jarystar soltústiktegi bas aral Hokkaıdo, ásirese onyń astanasy Sapporo qalasynda ınfektsııanyń taralýyna baılanysty keıinge qaldyrylǵanyn málimdedi.
«Biz arasynda shetelden keletin sportshylar men qyzmetkerler, sondaı-aq otandyq sekirýshilerdiń qaýipsizdigin qamtamasyz etýdi birinshi orynǵa qoıyp, jarystardy keıinge qaldyrýdan basqa amalymyz joq degen qorytyndyǵa keldik», - dep málim etti qaýymdastyqtan.
Sapporodaǵy tramplınnen sekirýge arnalǵan Okýraıama stadıony 9 jáne 10 qańtar kúnderi áıelder arasyndaǵy Álem chempıonaty Kýbogynyń eki jarysyn qabyldaýy tıis edi, odan keıin 6 jáne 7 aqpanda er adamdar jarysyn ótkizý belgilengen bolatyn.
