Trampqa oq atqan kúdiktiniń kim ekeni belgili boldy
Quqyq qorǵaý organdarynyń málimetinshe, kúdikti — Kalıfornııa shtatynyń turǵyny Koýl Tomas Allen. Oqıǵa Aq úı tilshileri qaýymdastyǵynyń saltanatty keshi ótip jatqan Washington Hilton qonaqúıinde bolǵan.
Aldyn ala derekter boıynsha, ol AQSh prezıdenti Donald Tramp ákimshiliginiń ókilderine qarsy oq atýdy kózdegen.
AQSh bas prokýrorynyń mindetin atqarýshy Todd Blanshtyń aıtýynsha, kúdiktiniń naqty maqsaty áli de tergelip jatyr, alaıda onyń nysanasynda joǵary laýazymdy tulǵalar, sonyń ishinde Donald Tramp bolýy múmkin.
— Ol qaýipsizdik perımetrinen tolyq óte alǵan joq. Oqıǵa der kezinde toqtatyldy, — dedi ol.
Qaýipsizdik qyzmeti kúdiktini qonaqúı aýmaǵynda qolǵa túsirgen. Málimetterge sáıkes, oqıǵa kezinde 5-ten 8-ge deıin oq atylǵan bolýy múmkin.
Polıtsııanyń habarlaýynsha, kúdikti atys kezinde jaraqat almaǵan, alaıda tekserý úshin aýrýhanaǵa jetkizilgen.
Qazirgi ýaqytta tergeý jalǵasyp jatyr, oqıǵanyń barlyq mán-jaıy anyqtalýda.
Aıta keteıik, Ýrsýla fon der Lıaıen AQSh-taǵy Trampqa qarsy qarýly shabýyl týraly pikir bildirdi.