Trampqa Iranǵa qarsy áskerı áreketterdiń jańa nusqalary usynylady
ASTANA. KAZINFORM – Másele kelissózde tyǵyryqqa tirelý jaǵdaıynda Ormýz buǵazyndaǵy yqtımal soqqylar men operatsııalarǵa qatysty bolyp otyr, dep habarlaıdy Kazinform agenttiginiń Taıaý Shyǵystaǵy menshikti tilshisi.
AQSh prezıdenti Donald Tramp beısenbi kúni AQSh QK Ortalyq qolbasshylyǵynyń (US CENTCOM) qolbasshysy admıral Bred Kýperden Iranǵa qarsy áskerı áreketterdiń jańa nusqalary týraly brıfıng alady. Bul týraly derekkózderge silteme jasap Axios habarlady.
Basylymnyń málimetinshe, áskerıler kelissózde tyǵyryqtan shyǵý jáne Tegeranǵa qysym jasaý úmitimen Iran nysandaryna, sonyń ishinde ınfraqurylymyna «qysqa jáne kúshti» birqatar soqqy jasaý josparyn daıyndady.
SCOOP: Pentagon commanders to brief Trump on new Iran military options Thursday https://t.co/UoTP556ei2
— Axios (@axios) April 30, 2026
Derekkózder atap ótkendeı, AQSh áskerıleri qarastyryp jatqan basqa nusqalarǵa keme qatynasyn qamtamasyz etý úshin Ormýz buǵazynyń bir bóligin baqylaýǵa alý, sondaı-aq Irannyń joǵary baıytylǵan ýran qorlaryn basyp alý úshin arnaıy kúshterdiń qatysýymen operatsııa jasaý kiredi.
Axios málimetinshe, brıfıng AQSh ákimshiliginiń kelissózde tyǵyryqtan shyǵý nemese qaqtyǵys aıaqtalǵansha sheshýshi soqqy berý úshin belsendi soǵys qımyldaryn qaıta bastaýdy qarastyryp jatqanyn rastap otyr.
Bul rette, Tramp buryn málimdegendeı, Vashıngton Iranǵa qarsy áskerı-teńiz blokadasyn áýe shabýyldaryna qaraǵanda tıimdirek qoldanyp otyr, biraq áskerı operatsııa júrý múmkindigi saqtalyp otyr.
Basylym derekkózderi sondaı-aq AQSh áskerıleri jaǵdaı odan ári shıelenisse, Irannyń aımaqtaǵy AQSh kúshterine qarsy kek alý áreketterin júrgizýi múmkin ekenin qarastyryp jatqanyn atap ótti.
Brıfıngke Birikken shtab bastyqtary komıtetiniń tóraǵasy general Den Keın qatysady dep kútilip otyr.
Kýper buǵan deıin 26 aqpanda AQSh pen Izraıldiń Iranǵa qarsy áskerı naýqany bastalmas buryn Tramp úshin osyndaı brıfıng ótkizgen bolatyn. Bir derekkózdiń málimetinshe, ol operatsııany bastaý týraly sheshimge áser etken.
29 sáýirde Brıýsselde «Orta dáliz: strategııalyq úılestirýden iske asyrýǵa deıin» taqyrybynda dóńgelek ústel ótti.
Sondaı-aq AQSh prezıdenti Donald Tramp Iran Vashıngtonnan Ormýz buǵazyn ashýdy surap otyrǵanyn málimdegenin jazdyq.
