Tramp «Juldyzdar soǵysyndaǵy» keıipker beınesinde: Aq úıdiń jazbasy synǵa ushyrady
ASTANA. KAZINFORM – AQSh prezıdenti Donald Tramp «Juldyzdar soǵysy kúnine» oraı ózin mandalorets beınesinde kórsetken jazba jarııalap, áleýmettik jelide qyzý talqyǵa tústi, dep habarlaıdy BILD.
Aq úı 4 mamyr kúni jasandy ıntellekt kómegimen jasalǵan sýretti jarııalady. Onda prezıdent AQSh týymen jáne Grogý («Bebı Ioda») keıipkerimen birge Mandalorets obrazynda beınelengen. Jazbada áıgili tirkes te keltirilgen – «This is the way. May the 4th be with you».
Alaıda bul jarııalanym oń pikirden góri syn men mysqylǵa kóbirek ushyrady. Qoldanýshylar sýrettegi AQSh týynyń durys beınelenbegenine nazar aýdardy, onda 13 jolaqtyń ornyna 11 ǵana kórsetilgen.
Sonymen qatar «Juldyzdar soǵysy» jankúıerleri mandaloretster dástúrine qaıshy keletin jaıtty atap ótti, bul keıipkerler ádette dýlyǵasyn sheshpeıdi.
Juldyzdar soǵysy álemindegi mandaloretster – qatań kodeksi, áskerı sheberligi jáne erekshe saýyt-saımanymen tanymal jaýyngerler. Olardyń urany – «This is the way» («Bul – jol»).
Post saıası turǵyda da synǵa ushyrady. Keıbir qoldanýshylar pop-mádenıet sımvoldaryn memlekettik deńgeıde qoldanýdy orynsyz dep baǵalasa, endi biri ony «dıstopııalyq reńk» beredi dep synǵa aldy.
Aıta keteıik, buǵan deıin de Aq úı áleýmettik jelilerde jasandy ıntellekt arqyly jasalǵan beınelerdi jarııalap kelgen.
Eske salaıyq, buǵan deıin Tramptyń golf-kýrortynda 6 metrlik «altyn» músini ornatylǵany habarlandy.
