Tramp jubaıynyń Baıdenniń ulyna qarsy aryzyn qoldady

ASTANA. KAZINFORM – AQSh prezıdenti Donald Tramp jubaıy Melanııanyń Aq úıdiń burynǵy basshysynyń uly Hanter Baıdendi sotqa berý nıetin qoldady, dep habarlaıdy CNN. 

Tramp beısenbi kúni Melanııa Tramptyń advokattary Hanter Baıdendi sotqa beremiz dep qorqytyp jatqanyn rastady. 

— Bilesiz be, men sońǵy ýaqytta bul sot isterimen jaqsy aınalysyp júrmin. Men: «Berilmeńiz» dedim. Djeffrı Epshteınniń Melanııa ekeýmizdiń kezdesýimizge esh qatysy joq edi. Biraq olar solaı jasap otyr. Olar áńgime qurastyryp keledi, — dedi ol. 

AQSh-tyń burynǵy prezıdenti Djo Baıdenniń uly Hanter Baıden kınorejısser Endrıý Kellagenge erli-zaıypty Tramptar 2019 jyly balalardy seksýaldyq satýǵa qatysty  federaldyq aıyppen tutqyndalǵan, biraq sotqa deıin túrmede óz-ózine qol jumsaǵan Epshteın arqyly kezdeskenin málimdedi. Onyń ólimi óz-ózine qol jumsaý dep tanylsa da, Tramptyń keıbir jaqtastary ony kámeletke tolmaǵan qyzdarǵa seksýaldyq zorlyq-zombylyqqa qatysqan bedeldi adamdardyń esimderin jarııalamaý úshin óltirildi dep sanaıdy. 

Birinshi hanymnyń advokaty Hanter Baıden men onyń advokatyna Epshteınniń tanysýǵa qatysy bar degen aıyptaýdy «jalǵan, teris, jala jabýshy» delingen hat jiberdi.
Melanııanyń tarapy Baıdennen onyń sózin teriske shyǵaryp, keshirim suraýyn talap etip, áıtpese «1 mlrd dollardan astam somaǵa» sot isi bolatynymen qorqytty.

Buǵan deıin AQSh prezıdenti Donald Tramp Wall Street Journal gazetiniń baspageri, medıamagnat Rýpert Merdokqa jáne jýrnalısterge Djeffrı Epshteınge arnalǵan ashyqhat týraly maqalaǵa baılanysty jala japqanyn aıtyp, sotqa bergenin jazǵan bolatynbyz.