Tramp jeti eldiń azamattaryna AQSh-qa kirýge tyıym saldy

ASTANA. KAZINFORM — AQSh prezıdenti Donald Tramp 2026 jyldyń 1 qańtarynan bastap taǵy jeti eldiń azamattary úshin tolyq kirý tyıymyn engizdi. Endi Býrkına-Faso, Malı, Nıger, Ońtústik Sýdan, Sırııa, Laos jáne Serra-Leone azamattary elge kire almaıdy, dep habarlaıdy TASS.

Aq úıdiń resmı saıtynda jarııalanǵan málimdemege sáıkes, Aýǵanstan, Gaıtı, Iran, Iemen, Lıvııa, Mıanma, Kongo Respýblıkasy, Somalı, Sýdan, Chad, Ekvatorıaldyq Gvıneıa jáne Erıtreıa azamattaryna AQSh-qa kirýge salynǵan tyıym áli de saqtalady.

Sonymen qatar, Býrkına-Faso, Malı, Nıger, Ońtústik Sýdan jáne Sırııa azamattary úshin tolyq kirý tyıymy engizildi.

Qujatta Palestınalyq avtonomııanyń qujattarymen saıahattaıtyn tulǵalarǵa da AQSh-qa kirýge tyıym salynatyny kórsetilgen.

Buǵan qosa, Laos pen Serra-Leone azamattary úshin elge kirýge tolyq tyıym salynǵan, al buǵan deıin tek ishinara shekteýler bolǵan edi.

Іshinara shekteýler engizilgen elder arasynda Angola, Antıgýa jáne Barbýda, Benın, Kot-d’Ivýar, Domınıka, Gabon, Gambııa, Malavı, Mavrıtanııa, Nıgerııa, Senegal, Tanzanııa, Tonga Koroldigi, Zambııa jáne Zımbabve bar.

Sonymen birge, Túrikmenstanǵa qatysty shekteýler jeńildetildi, endi AQSh bul eldiń azamattaryna ımmıgratsııalyq emes vızalar boıynsha kirýge ruqsat beredi.

Aq úıdiń baspasóz qyzmeti taratqan málimdemege sáıkes, shekteýler 2026 jyldyń 1 qańtarynan bastap kúshine enedi.

Osyǵan deıin AQSh Joǵarǵy Soty transgenderlerge tólqujattaryndaǵy jynysyn ózgertýge tyıym salǵanyn jazǵanbyz.