Tramp jeńiske jetý úshin qajet 270 saılaýshy daýysynyń jartysynan kóbin jınady

ASTANA. KAZINFORM – Fox telearnasynyń esepteýlerine sáıkes, AQSh-tyń burynǵy memleket basshysyna 178 saılaýshy daýys bergen, al onyń qarsylasy demokrat Kamala Harrıske  — 113 adam daýys bergen.

Respýblıkalyq Donald Tramp seısenbide AQSh-ta ótken prezıdenttik saılaýda jeńiske jetý úshin qajetti 270 saılaýshy daýysynyń jartysynan kóbine ıe boldy. Fox News telearnasy osyndaı boljam jasady.

Sonymen esepteýlerge sáıkes, Donald Tramp 178 saılaýshy daýysyn jınaǵan, onyń qarsylasy demokrat Kamala Harrıs — 113.

Eske salsaq, AQSh-ta prezıdent saılaýy bastaldy.

AQSh prezıdentine kandıdat Donald Tramp Palm-Bıch ýchastiginde daýys bergeni belgili boldy.

Buǵan deıin AQSh-taǵy prezıdent saılaýy Qazaqstanǵa qalaı áser etetini jaıly jazǵan bolatynbyz.