Tramp «jasandy ıntellekt» termınine resmı túrde tyıym salmaq
ASTANA. KAZINFORM – AQSh prezıdenti Donald Tramp jaqyn arada «jasandy ıntellekt» termınin qoldanýǵa resmı túrde tyıym salyp, ony «sýperıntellekt» sózimen almastyrýdy kózdep otyrǵanyn málimdedi. Ol bul týraly óziniń Truth Social áleýmettik jelisinde jazba qaldyrdy.
– The Wall Street Journal jasandy ıntellekt degen óte sátsiz ári dál emes termındi qashan «sýperıntellekt» dep ataı bastaıdy? Muny qazirdiń ózinde barlyǵy derlik qoldanyp júr nemese jaqyn arada qoldana bastaıdy. Biz jaqyn ýaqytta termınniń alshaqtyǵyna baılanysty «JI« jáne «jasandy ıntellekt» ataýlaryn barlyq tıisti qujattarda jáne basqa da jaǵdaılarda qoldanýǵa resmı túrde tyıym salamyz, – dep jazdy AQSh basshysy áleýmettik jelide.
Buǵan deıin Tramp Aq úı ózi usynǵan «sýperıntellekt» ataýynyń ornyna «jasandy ıntellekt» termınin qoldanatyndardy qarsy tarap retinde qabyldaıtynyn málimdegen-di.
Eske sala keteıik, qyrkúıek aıynyń sońynda AQSh prezıdenti federaldyq vedomstvolarǵa resmı hat-habarlarda, jarııa málimdemelerde jáne qujattarda jańa termındi qoldanýdy mindetteıtin jarlyqqa qol qoıǵan edi.
