Tramp jasandy ıntellekt kúshterin quratynyn aıtty
ASTANA. KAZINFORM – AQSh prezıdenti Donald Tramp 2019 jyly qurǵan Ǵarysh kúshterine uqsas jasandy ıntellekt kúshterin quratynyn jarııalady, dep habarlaıdy TASS agenttigi.
– Birinshi prezıdenttik merzimimde úlken tabysqa jetken Ǵarysh kúshterin qurǵanym sııaqty jasandy ıntellekt kúshterin quryp jatyrmyn. Osyǵan baılanysty jaqyn arada jasandy ıntellekt [kúshteri] jetekshisin taǵaıyndaıtynymdy jarııalaımyn, - dep jazdy AQSh prezıdenti Truth Social áleýmettik jelisinde.
Donald Tramp jasandy ıntellekt jańa ónerkásiptik revolıýtsııa nemese jańa ınternet ekenin, biraq odan da aýqymdy jáne tıimdirek bolatynyn, AQSh JІÓ-niń 25%-yn qamtýy múmkin ekenin atap ótti.
– Biz Qytaıdan jáne álemniń qalǵan bóliginen aldamyz jáne men bul artyqshylyqty saqtap qalǵym keledi! - dep málimdedi AQSh prezıdenti.
Donald Tramp AQSh Qarýly Kúshteriniń jańa tarmaǵyn qurý týraly aıtyp otyrǵanyn naqtylamady.
Eske sala keteıik, Tramp CNN, MS NOW jáne Politico-ny Aq úıge kirgizýge tyıym salatynyn aıtqan edi.
