Tramp jartylaı ótkizgishterge 100% tarıf jarııalady
ASTANA.KAZINFORM - Sársenbi kúni AQSh prezıdenti Donald Tramp turmystyq elektronıka men basqa da ónimderde paıdalaný úshin ımporttalatyn jartylaı ótkizgishterge 100 paıyzdyq baj salyǵyn engizýdi josparlap otyrǵanyn aıtty. Alaıda ol bul tarıftiń AQSh-ta chıp shyǵarýǵa mindetteme alǵan kompanııalarǵa qatysy joq ekenin atap ótti, dep habarlaıdy Politico.
- Biz chıp pen jartylaı ótkizgishterge 100 paıyzǵa jýyq baj salyǵyn salamyz, - dedi Tramp.
Tramp AQSh-ta jartylaı ótkizgishter shyǵaratyn kompanııalar bul mindetten bosatylatynyn aıtty.
- Eger siz qazirdiń ózinde qurylys salýǵa mindetteme alǵan bolsańyz nemese qurylys satysynda bolsańyz, eshqandaı mindetteme bolmaıdy. Eger siz qandaı da bir sebeptermen qurylys týraly aıtyp, biraq salmaı qalsańyz, biz qaıta oralyp, barlyǵyn qosamyz, biz sizge keıinirek esep beremiz. Sizge tóleýge týra keledi, - dedi Tramp.
2024 jyly Amerıka Qurama Shtattary quny 60 mıllıard dollardan asatyn jartylaı ótkizgish ımporttady, onyń ishinde Azııadan kelgeniniń quny 50 mıllıard dollardan asady. Jetekshi jetkizýshiler - Azııa elderi men Eýropalyq Odaq.
Aıta keteıik, AQSh-tyń baj salyǵy týraly jańa málimdemesinen keıin Úndistannyń qordaǵy ındeksteri qulady,