Tramp Japonııamen «eń úlken» baj kelisimi týraly málimdedi

ASTANA. KAZINFORM – Donald Tramp AQSh-tyń Japonııamen saýda kelisimin ornatqanyn, oǵan sáıkes japondyq taýarlarǵa 15 paıyzdyq baj salyǵy engiziletinin málimdedi. Tramp buǵan deıin eger kelisimge qol jetkizilmese, 1 tamyzdan bastap Japonııaǵa 25 paıyz mólsherinde baj salyǵyn engizetinin aıtyp qorqytqan bolatyn, dep habarlaıdy VVS. 

- Jańa ǵana Japonııamen úlken mámile jasadyq, bul tarıhtaǵy eń úlken kelisim bolýy múmkin, - dep jazdy Tramp óziniń Truth Social áleýmettik jelisinde.

Onyń aıtýynsha, bul kelisimge sáıkes Japonııa «óziniń nusqaýy boıynsha» AQSh-qa 550 mlrd dollar ınvestıtsııa salatyn bolady. Tramp AQSh paıdanyń 90 paıyzyn alatynyn málimdedi, biraq qosymsha málimet usynǵan joq.

Japonııa premer-mınıstri Sıgerý Isıbanyń málimdeýinshe, Tramp jarııalaǵan kelisimge túsinik bermes buryn onyń egjeı-tegjeıin zerdeleý kerek.

- Kelissóz qorytyndylaryn baǵalaýǵa keletin bolsaq, biz kelissóz men kelisimniń egjeı-tegjeılerin muqııat zerttemeıinshe men ony talqylaı almaımyn, - dedi ol Tokıoda tilshilerge.

Buǵan deıin AQSh Japonııa men Ońtústik Koreıa taýarlaryna 25% kedendik baj engiztini týraly jazǵan bolatynbyz.