Tramp janarmaı quıý stantsııalaryn benzın baǵasyn tómendetýge shaqyrdy
ASTANA. KAZINFORM — AQSh prezıdenti Donald Tramp búkil el boıynsha janarmaı quıý stantsııalarynyń ıelerin baǵany tómendetýge shaqyryp, eger tómendetpese, saldary aýyr bolýy múmkin ekenin eskertti, dep habarlaıdy Kazinform agenttiginiń Vashıngtondaǵy tilshisi.
— Benzın satýshylar baǵany dereý tómendetýi kerek! Qazirgi ýaqytta munaıdyń barreli 68 dollardy qurap, tómendeýdi jalǵastyryp jatqanyn eskersek, olardyń qoıyp otyrǵan baǵalary tym joǵary, — dep jazdy Tramp Truth Social áleýmettik jelisinde.
AQSh prezıdenti satýshylar bul málimdemege tez arada jaýap berip, durys áreket etýi kerek ekenin atap ótti.
— Eger satýshylar muny istemese, olar úlken qıyndyqqa tap bolady! Gallonyna shamamen 2,50 dollar baǵa ustańdar, — dep qorqytty Tramp.
Sonymen qatar, Aq úı basshysy Kalıfornııanyń benzınge salynatyn salyq saıasatyn synǵa aldy.
Buǵan deıin AQSh-ta benzınniń ortasha baǵasy rekordtyq deńgeıge jetken bolatyn.
