Tramp jańa pensterdi shyǵarýǵa tyıym saldy

ASTANA. KAZINFORM — AQSh prezıdentiniń sheshimi bir tsenttik monetany shyǵarý qunynyń ósýine baılanysty boldy, dep habarlaıdy NBC News. 

— Qurama Shtattar pennıdi uzaq ýaqyttan beri shyǵaryp keledi, onyń baǵasy 2 tsentten asty. Bul úlken ysyrap! Men AQSh Qarjy mınıstrine jańa tıyn shyǵarýdy toqtatýdy tapsyrdym. Bir tıyn bolsa da, uly elimizdiń bıýdjetindegi qajetsiz shyǵyndardan arylaıyq, — dep jazdy Donald Tramp óziniń Truth Social saıtynda.

Tramp saılaý naýqany kezinde tıyndy joıýdy maqsat etken joq. Biraq Ilon Masktyń úkimettik tıimdilik departamenti bul máseleni ótken aıda kóterdi. 

AQSh moneta saraıy byltyrǵy qarjy jylynda óndirilgen 3,2 mlrd pennıge jýyq aqshadan 85,3 mln dollar joǵaltqanyn habarlady. Árbir pennıdiń baǵasy 0,037 dollarǵa jýyq boldy. Byltyrǵy baǵa 0,031 dollar edi.

Moneta saraıy nıkelge baılanysty da shyǵynǵa ushyraýda. Óıtkeni árbir 0,05 dollarlyq monetany óndirýge shamamen $0,14 ketedi.

Tramptyń tıynnan birjaqty bas tartýǵa quqyǵy bar-joǵy belgisiz, óıtkeni valıýtanyń sıpattamalaryn, sonyń ishinde mólsheri men metall mazmunyn Kongress anyqtaıdy.

Eske salsaq, osyǵan deıin Makron AQSh-tyń Eýropaǵa qatysty kez kelgen baj salyǵyna áreket etýge daıyn ekenin jazdyq.