Tramp jaqyn arada Pýtınmen sóılesýdi josparlap otyr

ASTANA. KAZINFORM — AQSh prezıdenti Donald Tramp jaqyn ýaqytta Reseı prezıdenti Vladımır Pýtınmen telefon arqyly sóılesýdi josparlap otyrǵanyn málimdedi, dep habarlaıdy TASS.

Onyń aıtýynsha, áńgime «jaqsy ótedi» dep úmittenedi. 

Donald Tramp bul jóninde Politico basylymyna bergen suhbatynda aıtty.

Sondaı-aq ol aldaǵy demalys kúnderi Ýkraına prezıdenti Vladımır Zelenskıımen kezdesý ótkizýdi kútip otyrǵanyn jetkizdi.

— Meniń oıymsha, onymen (Zelenskıımen — TASS eskertpesi) bári jaqsy bolady. Vladımır Pýtınmen de bári jaqsy ótedi dep oılaımyn, — dedi Tramp.

Buǵan deıin Zelenskıı men Tramptyń kezdesýi 28 jeltoqsanda ótetini habarlanǵan bolatyn.